Endurnýjun og viðhald lagna

Viðhald lagna getur kallað á umtalsverðar framkvæmdir. Mikilvægt er vel og vandlega sé staðið að undirbúningi og framkvæmd, enda eru lagnakerfi mikilvægir innviðir.

Dæmi um vandamál:

• Rakaskemmdir í kjöllurum/jarðhæðum
• Bilanir / stíflur í lögnum
• Virkni hitakerfa eða neysluvatnslagna ekki í lagi
• Endurtekin tjón og / eða viðgerðir vegna lagna

Hafi húsið verið reist fyrir árið 1985 eru líkur á að lagnirnar séu steyptar og er endingatími þeirra  almennt 40-50 ár. Því er rík ástæða til að kanna ástand á lögnum hússins, hafi það verið reist fyrir árið 1975 þó það séu ekki augljósar bilanir komnar í ljós.

Verkefnin snúa að:

• Ástandsskoðanir á lögnum og lagnakerfum.
• Endurnýjun frárennslislagna (skolp)
• Endurnýjun / lagning á jarðvatnslögnum (dren)
• Endurnýjun neysluvatns- og ofnalagna
• Hönnun og breytingum á lagnakerfum
• Lóðaframkvæmdir

Það getur reynst snúið fyrir fasteignaeigendur / húsfélög að undirbúa og standa að framkvæmdum við endurnýjun lagna, en lagnateymið okkar hefur mikla þekkingu á þessum verkefnum og kemur að borðum með vandaðar lausnir sem virka.

Við metum ástand, gerum framkvæmda- og kostnaðaráætlanir, komum á verksamningum og höfum umsjón og eftirlit með framkvæmdum.

Teymið okkar:

• Atli Geir Ragnarsson – byggingartæknifræðingur og löggiltur lagnahönnuður
• Birgir Rafn Reynisson – byggingafræðingur og múrarameistari
• Bjartmar Ingi Sigurðsson – pípulagningameistari