Nýframkvæmdir

Hluti af störfum Verksýnar snýr að hönnun, útboðum og framkvæmdaeftirliti á nýbyggingum. Í nýframkvæmdum hefur Verksýn sömu gildi að leiðarljósi og við viðhaldsframkvæmdir, þ.e. að leita hagkvæmra og skynsamlegra lausna, ekki síst með tilliti til viðhaldsþarfar framtíðarinnar.

Sem umsjónar- og eftirlitsaðili nýframkvæmda heldur verkefnastjóri Verksýnar utan um alla þræði á meðan á hönnun og byggingu mannvirkisins stendur og samhæfir störf hina ýmsu hönnuða. Verkefnastjórinn aðstoðar við þarfagreiningu og skilgreiningu þeirra markmiða sem viðskiptavinurinn þarfnast.

Helstu störf umsjónar- og eftirlitsmanns með nýframkvæmdum, sem og viðhaldsframkvæmdum eru eftirfarandi:

• Yfirferð teikninga, rýning og samræming.
• Farið er yfir að ábyrgir meistarar séu skráðir á viðeigandi verkliði.
• Yfirferð trygginga verktaka.
• Gerð verksamninga.
• Yfirferð verksins með verktaka og ábyrgum meisturum í byrjun þess.
• Yfirfara tæknilegar upplýsingar yfir þau efni sem verktaki hyggst nota við verkið.
• Yfirfara verkáætlun verktaka, samræma hana og samþykkja.
• Yfirferð fyrirliggjandi verkþátta með verktaka og úrlausn óvissuatriða.
• Eftirlit með að framgangur framkvæmda sé samkvæmt áætlun.
• Yfirfara og samþykkja dagsskýrslur.
• Eftirlit með vinnubrögðum og umgengni á vinnustað allt að fimm sinnum í viku.
• Umsjón með að verklýsingum og útboðsgögnum sé fylgt.
• Stjórn vikulegra verkfunda með verktaka og fulltrúa (fulltrúum) verkkaupa.
• Ritun fundargerða á verkfundum og frágangur og fjölföldun þeirra eftir fundi. Sent með tölvupósti ef óskað er.
• Yfirferð reikninga frá verktaka og samanburður við samþykktar magntölur ásamt sannreyningu á umfangi.
• Umsjón með hlutaúttektum og lokaúttekt, og ritun úttektaryfirlýsinga.
• Önnur dagleg umsýsla og umsjón með framkvæmdum, sem fulltrúi verkkaupa.