SÉRHÆFÐ RÁÐGJÖF VEGNA VIÐHALDS OG ENDURBÓTA Á MANNVIRKJUM.

Umsjón og eftirlit með framkvæmdum

Umsjón og eftirlit með viðhaldsframkvæmdum og nýbyggingum er ein af meginstoðum í rekstri fyrirtækisins. Verksýn ehf. leggur áherslu á að hafa gott skipulag og reglu á eftirlits- og umsjónarhlutverki sínu. Unnið er eftir gæðakerfi sem fyrirtækið hefur þróað með sér og uppfært. Lögð er áhersla á að hafa góða samvinnu við verkkaupa, en umsjónar- og eftirlitsmaður vinnur í umboði verkkaupa sem hans fulltrúi og ráðgjafi í verklegum framkvæmdum. Hlutverk eftirlitsmannsins er m.a. að veita verktaka nauðsynlegt aðhald við verklega framkvæmd og dagleg umsýsla um viðkomandi framkvæmd.

Helstu atriði sem innifalin eru í umsjónar- og eftirliti Verksýnar eru þessi:

  • Farið er yfir að ábyrgir meistarar séu skráðir á viðeigandi verkliði.
  • Farið yfir allar tryggingar verktaka.
  • Gerð verksamninga.
  • Rýnifundir og undirbúningur verks ásamt fulltrúum verktaka.
  • Yfirfara tæknilegar upplýsingar yfir þau efni sem verktaki hyggst nota við verkið og samþykkja eða synja þeim.
  • Yfirfara verkáætlun verktaka, samræma hana og samþykkja.
  • Gerð greiðsluáætlana.
  • Ferðir á verkstað 3 - 6 sinnum í viku, til að sjá um að fylgt sé verklýsingum og útboðsgögnum.
  • Yfirferð fyrirliggjandi verkþátta með verktaka og úrlausn óvissuatriða.
  • Tæknileg ráðgjöf við úrvinnslu framkvæmdar.
  • Mælingar á magntölum og eftirlit með umfangi framkvæmda.
  • Eftirlit með framgangi framkvæmda.
  • Yfirferð dagsskýrslna.
  • Eftirlit með umgengni á vinnustað.
  • Stjórn verkfunda með verktaka og fulltrúa (fulltrúum) verkkaupa á einnar til tveggja vikna fresti.
  • Ritun fundargerða á verkfundum og frágangur og fjölföldun þeirra eftir fundi.
  • Yfirferð reikninga frá verktaka og samanburður við magntölur.
  • Sinna öllum ábendingum og spurningum frá fulltrúum verkkaupa og verktaka.
  • Umsjón með hlutaúttektum og lokaúttekt, og ritun úttektaryfirlýsinga.
  • Samskipti við byggingaryfirvöld og hönnuði.